Tuesday, March 30, 2021

GALIZA: Celebrando o 150 Aniversario da Comuna de Paris (Galiza Vermelha)


 

O 18 de março de 1871 o proletariado, na Comuna de Paris, dá origem à primeira república obreira da história. Poucos dias depois da insurreiçom popular, o novo governo revolucionário proclamava a independência política com respeito ao velho poder burgues.

A Comuna de Paris durou pouco mais de 2 meses (do 18 de Março ao 28 de Maio de 1871), mas nestes 2 meses a Comuna deixou importantíssimas liçons:

1) O proletariado nom pode limitar-se a tomar o estado burguês, senom que tem que criar um novo tipo de estado, o estado da ditadura do proletariado. A consequência disto o proletariado nom evitava senom que buscava, o armamento geral do povo.

2) Se nas luitas de 1948 o proletariado ia detrás da burguesia, na Comuna o proletariado é um sujeito independente. "Cavaleiros, queredes saber que face presenta esta ditadura? Olhai para a Comuna de Paris, velai a ditadura do proletariado." (F. Engels).

3) A Comuna de Paris foi o primeiro ejemplo da criaçom do novo poder do proletariado. A primeira vez na história da humanidade na que o proletariado construia a seu poder político, a sua ditadura de classe.

4) A aboliçom do exército e da polícia do estado burguês foi umha das primeiras medidas da Comuna, substituindo a estas instituiçons do poder burguês polo armamento do povo.

5) A Comuna demonstra que o proletariado nom se pode limitar a mudar os altos cargos dum estado burguês, senom que deve criar um novo tipo de estado. Este novo poder deve expropriar os capitais individuais para poder satisfazer as necessidades sociais.

6) A I Internacional, da qual era secretário-geral Karl Marx, apoiu com todas os meios a sua disposiçom à Comuna de Paris.

7) A Comuna foi um organismo legislativo e ejecutivo ao mesmo tempo, com responsáveis que podiam ser apartados dos seus postos. Foi a primeira experiência da democracia do proletariado. A primeira experiência da forma que toma o poder político do proletariado.

8) A falta de preparaçom militar, unida à falta dum plano estratégico, somado à falta dum estado maior; tivérom como resultado o isolamento da cidade de Paris e a curta duraçom da Comuna.

A Comuna de Paris foi afogada em sangue pola burguesia, mas o seu brilhante legado seguirá iluminando a dura viagem da humanidade cara a revoluçom e o comunismo.

https://twitter.com/GalizaVermelha/status/1372514682410577928

No comments:

Post a Comment