Desde Galiza Vermelha queremos disponibilizar para o povo galego e em especial a classe obreira galega a Declaraçom Conjunta do Primeiro de Maio 2024 dos Partidos e Organizaçons marxistas-leninistas-maoistas, publicada no blogue DazibaoRojo, polo grande interesse que tem para o proletariado galego.
Declaraçom Internacional Conjunta 2024
Primeiro de Maio Proletário e Internacionalista
– Proletários e povos oprimidos do mundo enteiro, uní-vos!
Proletários, massas exploradas, povos do mundo, agora é claro para todos: o imperialismo é guerra, reaçom, miséria e opressom do povo!
As potências imperialistas dos EUA, da UE e da OTAN estám a marchar passo a passo em direcçom a umha nova guerra imperialista mundial; Todos os países estám a equipar-se com armas cada vez mais modernas e devastadoras e preveem a utilizaçom de armas nucleares que colocam em risco o futuro do mundo, combinado com a crescente crise ambiental. Todos os países imperialistas fortalecem os seus exércitos, militarizam os territórios e a sociedade, preparam a opiniom pública para a guerra e desenvolvem a economia de guerra. A guerra é causada pola crise económica sistémica global, que exige umha nova divisom do mundo.
O imperialismo russo e o social-imperialismo chinês som, por um lado, alvo desta ofensiva e, por outro, aproveitam a crise do imperialismo ocidental, principalmente dos Estados Unidos, em busca de um novo quadro global que os favoreça, em nome do “novo mundo multipolar”
O imperialismo desata os seus cans de guarda como linha de frente da guerra: vejamos Israel, a Ucrânia e os governos dos países a eles subordinados.
Todas as potências imperialistas, em conluio e conflito entre si e com os governos a elas subordinados, estám unidas contra os proletários e os povos do mundo.
O imperialismo é reacionizaçom: o velho e o novo fascismo.
Todos os estados imperialistas e os seus governos lacaios avançam na transformaçom dos estados, restringindo e apagando a democracia burguesa, atacando as liberdades e os direitos democráticos dos trabalhadores e das massas, enchendo as prisons com opositores políticos, estabelecendo cada vez mais formas de ditadura abertas, que atacam os direitos das mulheres, a liberdade de pensamento, etc. e promovem o supremacismo, o racismo, a cultura obscurantista e o fundamentalismo religioso.
O imperialismo é miséria relativa e absoluta para o proletariado e as massas oprimidas, para a pequena burguesia empobrecida das cidades e do campo.
Cortes nos salários, precariedade, desemprego, cortes nas despesas sociais com saúde, escola, meio ambiente; alargamento da fenda entre regions ricas e pobres; nova escravitude, desemprego juvenil, desigualdade das mulheres; alto custo de vida.
Nos países oprimidos polo imperialismo todo isto é agravado pola permanência e conservaçom da opressom nacional, colonial, semicolonial e feudal.
A REBELIOM É JUSTIFICADA! É JUSTO LUITAR PARA APAGAR O SISTEMA IMPERIALISTA DA FACE DA TERRA!
Em todos os países da Ásia, da América Latina e da África, desenvolvem-se revoltas populares e luitas anti-imperialistas, muitas vezes reprimidas de forma sangrenta, até ao genocídio, como acontece hoje na Palestina. E a guerra do imperialismo e dos seus governos lacaios continua contra as guerras populares na Índia, nas Filipinas, na Turquia, no Peru e contra todas as forças do mundo que seguem o caminho revolucionário da guerra popular.
Sob estas condiçons objectivas, desenvolve-se a necessidade de revoluçom.
A necessidade de um caminho revolucionário autêntico, capaz de fazer avançar e vencer as revoluçons da Nova Democracia, as revoluçons socialistas, num contexto de revoluçom proletária mundial que marcha para o comunismo.
Para atingir este objectivo, a experiência dos proletários e dos povos em luita (Comuna de Paris, Revoluçom de Outubro, Revoluçom Chinesa e Grande Revoluçom Cultural Proletária) demonstra historicamente que as três ferramentas para luitar e vencer som indispensáveis.
O Partido Revolucionário do proletariado, comunista, marxista-leninista-maoísta, destacamento organizado de vanguarda da classe operária, luitador político de vanguarda, dotado da estratégia e táctica adequadas às condiçons de cada país, em funçom da conquista do poder político, para a construçom da ditadura do proletariado.
A frente única do proletariado e das massas populares.
Nos países imperialistas isto requer a direçom e a participaçom maioritária do proletariado e do seu núcleo central, a classe trabalhadora industrial que se alia às massas pobres, aos estudantes, aos sectores empobrecidos da pequena burguesia urbana e rural.
Nos países oprimidos polo imperialismo, a aliança fundamental é entre trabalhadores e camponeses que unem as massas pobres e os grandes sectores que sofrem a opressom nacional, colonial, semicolonial e feudal.
A revoluçom proletária requer a luita armada, de vanguarda e de massas, e a construçom do exército popular para conduzir a guerra de classes e a guerra revolucionária que desembocar na insurreiçom popular para a conquista do poder estatal e a construçom do Estado proletário, indispensável para a transformaçom socialista, marchando, com todos os países do mundo, rumo ao comunismo.
Fundamental neste processo é a consigna da Grande Revoluçom Cultural Proletária: A classe obreira deve dirigir todo.
Precisamos da unidade dos comunistas marxistas-leninistas-maoístas, no fogo da luita de classes em estreita ligaçom com as massas, que luitam contra o revisionismo e o neo-revisionismo, o economicismo, o oportunismo de direita e de ‘esquerda’ fator de sectarismo e divisom nas fileiras do movimento comunista.
Unamo-nos sob a liderança do proletariado para fazer avançar os povos do mundo em direcçom à revoluçom socialista mundial, isto é, para erradicar o imperialismo e assi estabelecer o comunismo na Terra.
Precisamos de umha conferência internacional e de umha nova organizaçom internacional de partidos e organizaçons marxistas-leninistas-maoístas, na fase hoje possível, de coordenaçom, unidade de acçom e elaboraçom da nova linha geral do movimento comunista internacional.
Palestina Livre – parar o genocídio sionista/imperialista – apoiar a Resistência Palestina até à vitória!
Apoiar as guerras populares em todos os países do mundo!
Parar a guerra imperialista e o fascismo!
Defender as vidas e as condiçons dos presos políticos!
Desencadear a fúria das mulheres como umha força poderosa da revoluçom!
Morte ao imperialismo, o futuro é o socialismo e o comunismo!
Viva o Marxismo-Leninismo-Maoismo!
Viva o internacionalismo proletário!
Partido Comunista (Maoísta) do Afeganistão
Comité de Construçom do Partido Comunista Maoista da Galiza
Partido Comunista da Índia (Maoísta)
Partido Comunista da Turquia – Marxista Leninista (TKP-ML)
Unión Obrera Comunista (mlm) Colômbia
Partido Comunista Maoísta – Itália
Partido Proletário Purba Bangla (PBSP/Bangladesh)
Camino Vermelho do Irã (grupo maoísta)
Partido Comunista Revolucionário do Nepal
Voz Operária – Malásia
Partido Comunista da Aliança Proletária Chinesa
Coalizom Revolucionária Maoísta – EUA
No comments:
Post a Comment