No próximo 24 de Janeiro o tribunal especial para a repressom
política do Regime, a Audiência Nacional, herdeiro do TOP franquista,
inícia o juíço contra 4 pessoas da Galiza com diversa militância. Estas 4
pessoas som as nossas amigas, os nossos companheiros, polo que temos
que ter mui presente a sua situaçom. As acusadas e acusados afrontam
umhas petiçons de condenas entre 12 (para dous deles) e 51 anos (para os
outros dous).
Este juíço político implica mais umha
tentativa do Regime Espanhol de silenciar as vozes dissidentes. Trata-se
da tentativa do Regime de censurar a própria história do Movimento de
Libertaçom Nacional da Galiza, para tentar ocultar às grandes massas que
formam o povo galego a nossa história de luita contra a opressom.
Buscam ocultar o caráter de classe do Estado como inimigo do povo galego
em geral e do proletariado galego em particular. Para deste jeito
tentar que as grandes massas assumam as mentiras da burguesia galega e
da oligarquia espanhola sobre a criaçom do próprio Estado Espanhol e
sobre o parlamentarismo.
Qualquer pessoa com escrúpulos democráticos tem a obriga moral de protestar contra esta política de censura total.
Na luita do proletariado revolucionário dos povos do mundo nom é a primeira vez que se tenta ocultar a nossa história. Na Turquia durante anos estivo proibido pronunciar o nome de Ibrahim Kaypakkaya, mas hoje o proletariado da Turquia e o proletariado consciente do mundo lembra o seu nome, de jeito que a tentativa de ocultar a existência do Camarada Kaypakkaya só serviu para estender a sua memória e transformá-lo num símbolo do Movimento Comunista Internacional. Do mesmo jeito as tentativas do Regime Espanhol por ocultar a histórica luita do Movimento de Libertaçom Nacional Galego nom servirám para que o proletariado galego consciente esqueça esta luita, nem tampouco há de levar a que deixemos de reivindicar os seu heroico legado.
O proletariado galego consciente deve mobilizar-se contra este juíço político. Devemos parar esta grande tentativa de censurar a nossa própria história.
Liberdade independentistas!
Stop censura do independentismo!
Nom à repressom do Regime Espanhol!
Nom estamos tod@s, faltam @s pres@s!
No comments:
Post a Comment