Galice - O 25 de maio boicote à farsa parlamentar. Nom participes. Nom votes. Organiza-te e luita. ATENEU PROLETARIO

O voto inútil

Neste momento histórico a prioridade para as e os comunistas, o trabalho específico que ninguém mais pode realizar, o trabalho que historicamente temos que realizar -concluir- como destacamento revolucionário é: desenvolver a teoria revolucionária ate que seja suficiente o nível de concreçom que se transforma numha autêntica linha política. Umha linha política é um grandioso instrumento de clarificaçom e guia coletiva.
Para poder fazer isto só podemos recorrer à experiência histórica de outros povos e a nossa própria experiência. Porque sem realizar este trabalho historicamente necessário nom podemos construir um partido de novo tipo.
Em todo mundo ha destacamentos comunistas e partidos que estam debatendo e investigando os mesmos temas e problemas que nos. No socialismo científico igual que em qualquer outra disciplina científica tanto a metodologia, como as conclusons, como as tecnologias, tratam-se a nível mundial.
Sem teoria revolucionária estende-se a confusom entre a militância o que frustra a construçom dum movimento revolucionário.
Ao mesmo tempo topamo-nos com uns sindicatos incapazes de parar esta grande ofensiva capitalista contra todos os mecanismos que frenavam e regulavam as relaçons laborais num marco jurídico estável, limitando a exploraçom e impedindo que as contradiçons entre as classes se transforma-sem numha luita.
Ante a atual situaçom social vemos umhas organizaçons políticas galegas que optam por participar, ou pedir o voto, ou viver na dúvida, devido a falta de linha política evitam posicionar-se ante as próximas eleiçons europeias.
Criar falsas esperanças ao proletariado galego ante as eleiçons é fazer-lhe o jogo à oligarquia espanhola e a burguesia galega. Cada vez mais sectores avançados do proletariado galego nom se fam nengumha ilusom nas instituçons dos estados burgueses, porque sabem que nom som mais que instrumentos do inimigo.
Neste momento histórico para o proletariado galego qualquer voto e inútil. O voto útil é um lugar comum burguês. O voto só é útil para a oligarquia espanhola e a burguesia galega.
O futuro do proletariado tanto o galego como o do resto dos povos está marcado pola falta de consciência. Sem ser conscientes de nos mesmos e do mundo que nos rodeia, nom poderemos avançar nem na construçom do partido de novo tipo, nem na construçom do movimento revolucionário.
A consciência nom nasce espontaneamente, senom que tem que ser introduzida no movimento consciente em forma de teoria revolucionária.
O 25 de maio boicote à farsa parlamentar. Nom participes. Nom votes. Organiza-te e luita.