Ante a onda de detençoms, e persecuçoms que nos últimos meses o estado Índio está a levar contra pessoas acusadas de pertencer ao movimento revolucionário Naxalita, os companheiros do comité galego de apoio à guerra popular na Índia dirigem umha carta à embaixada da Índia em Madrid, carta à que nos somámos e que publicamos a continuaçom.
Os abaixo assinantes, queremos-lhe expressar a nossa profunda preocupaçom, pola onda de detençoms e persecuçoms que estam a acontecer no seu país, dirigida contra opositores de esquerda e supostos simpatizantes do movimento conhecido como naxalitas. Destacamos de umha maneira particular o fustigamento por parte dos corpos de seguridade da Uniom, do professor da universidade de Nova Delhi Dr. G. N. Saibaba. Este reconhecido intelectual progressista e a sua mulher foron amedrontados por um destacamento policial permanecendo sequestrados no seu domicílio até que a chegada de amigos e vizinhos puserom em fuga os seus raptores. Polo que conhecemos nom se fixo por parte do governo nengumha investigaçom desta evidente e grosseira violaçom de direitos básicos dos estados democráticos como é a inviolabilidade do domicílio ou a retençom ilegal. Nom se trata de actos isolados, pois o seu governo leva desde fai anos umha operaçom denominada Green Hunt que baixo a desculpa da luta contra o terrorismo tem sementado o terror nas comunidades adivasis e do povo em general. Que saiba vostede e o seu governo que os povos da Índia contam com o apoio e amizade dos povos do mundo e que na Galiza nom vamos ficar calados diante destes actos.
Na Galiza, Outubro do 2013
No comments:
Post a Comment